Menu me produkte sezonale – muaji Korrik
29/06/2023
Menuja javore e para-përgatitur
Menuja javore e para përgatitur na siguron të ushqehemi në mënyrë më të shëndetshme duke planifikuar blerjet tona, reduktuar shërdorimin e ushqimit dhe mbi të gjitha na mundëson të jetojmë më qetë, pa strese të minutës së fundit. Kjo menu me produkte sezonale të muajit Korrik, është një shembull shumë mirë e përshtatshme për nevojat specifike të familjes sime. Marrim kohën e nevojshme 1 herë në javë, për të hartuar një menu që na përshtatet dhe listën e blerjeve.
| Ditët e javës | Dreka | Darka |
|---|---|---|
| E Hënë | Humus panxhar i kuq me qiqra | Sallatë Greke + Bukë Integrale |
| E Martë | Brusketa me domate + Supë me qiqra | Sallatë me thjerrëza dhe rukola |
| E Mërkurë | Sanduiç me humus fasulesh, patëllxhanë të pjekur dhe paté domatesh të thara | Supë perime dhe pulë |
| E Enjte | Supë perimesh dhe pule (shfrytëzojmë mbetjet e darkës) | Makarona karbonara me kunguj të njomë |
| E Premte | Kotoleta me legume dhe perime + Sallatë verore | Pica e bërë në shtëpi + Sallatë perime |
| E Shtunë | Supë thjerrëza, patate, brokoli | Pasta integrale |
| E Djelë | Supë me perime dhe farro | Lasagna Bolonjeze |
Sallatë me thjerrëza dhe rukola
Të gjithë përbërësit i vendosim në një tas sallate. Përziejmë me kujdes uthullën, mustardën dhe vajin. Hedhim dressing mbi sallatë dhe përziejmë mirë.
Humus panxhari i kuq dhe qiqra
Receta është shumë e thjeshtë: përziejmë të gjithë përbërësit në një mikser për disa minuta derisa masa të jetë e butë dhe e lëmuar. -Provojmë dhe shtojmë më shumë kripë, piper ose lëng limoni nëse është e nevojshme sipas shijes. Shtojmë farat e susamit. -Ruhet deri në 3 ditë në frigorifer në një enë hermetike.
Sanduiç me humus fasulesh, patëllxhanë të pjekur dhe paté domatesh
Thërrmojmë me pirun fasulet, i rregullojmë me vajin, lëngun e limonit dhe kripën. I gatuajmë fetat e patëllxhanit për 2/3 minuta në tigan me pak vaj. -Patëllxhanët i lyejmë me kremin e fasuleve, shtojmë paté domatesh të thara dhe mbyllim sanduiçet.
Carbonara me kunguj të njomë
Kungulleshkat e vogla dhe krokante të prera në kubikë zëvendësojnë proshutën. Ndërkohë që makaronat janë duke u zier, kungullin e njomë e presim në kubikë, e kaurdisim në një tigan me vaj ulliri ekstra të virgjër dhe qepë. Rrahim vezën me një majë kripë dhe e mbajmë mënjanë. Kullojmë makaronat al dente dhe i hedhim në tigan. Kaurdisim pak makaronat dhe kungulleshkat. Shtojmë vezën dhe përziejmë shpejt me nxehtësinë e fikur (veza do të gatuhet menjëherë). Shërbejmë me parmixhan të grirë ose pekorino. Për të rriturit mund të shtojmë edhe piper të zi.
Kotoleta me legume
Kotoleta me legume janë shumë të thjeshta për t'u përgatitur. Brumi është i thjeshtë për t'u përgatitur, kështu që mund t'i gatuajmë me fëmijët.
-Me një mikser ose një blender përzijmë fasulet, majdanozin, hudhrën, rozmarinën dhe kripën, derisa të përftojmë një krem të butë dhe homogjen. Spërkasim me kripë dhe shtojmë një lugë vaj EV -Transferojmë brumin në një dërrasë prerëse të pastër dhe shtojmë një lugë miell për ta bërë më të fortë, duke e punuar me duar për disa sekonda. I japim formë roleje dhe e presim në feta të rrumbullakëta. Çdo fetë do të jetë një copëz. -Lyejmë çdo copëz me shumë pak vaj EVO dhe e ngjyejmë në thërrimet e bukës. I gatuajmë në një tigan me nxehtësi mesatare-të ulët, disa minuta nga secila anë. I shërbejmë të ngrohta. Mund të gatuhen edhe në furrë, por do të jenë pak më të thata.