Si konservohen shpargujt/ asparagu?

shpargujt
03/07/2023

Asparagu është një burim i antioksidantëve, i cili mund të ndihmojë në luftimin e stresit oksidativ dhe të mbështesë shëndetin e përgjithshëm.

Vlerat ushqyese mund të ndryshojnë pak në varësi të shumëllojshmërisë së shpargujve dhe mënyrës së gatimit. Ka veti diuretike, pastruese dhe stimuluese të oreksit. 

Ruajtja e duhur e ushqimit ndihmon të mos e shpërdorojmë atë, dhe së bashku me ruajtjen e duhur ka edhe zakone të tjera të mira që duhet t'u përmbahemi për të luftuar çdo ditë mbetjet ushqimore.

Si të ruajmë shpargujt/ asparag për më gjatë në frigorifer:

Për të ruajtur shpargujt ose asparagun, është mirë që t'i zhysim në ujë derisa të jenë gati për t'u përdorur.

Në frigorifer, ato mund të ruhen brenda një qese të posaçme pë ruajtjen e perimeve, të mbështjella me një letër absorbuese të lagur.
Falë mikrovrimave të qeseve eliminohet lagështia e tepërt dhe ruhet freskia e shpargujve për më gjatë.

Këtu ato mund të mbahen brenda maksimumit 3 ditësh.

Si të ruajmë shpargujt/ asparag për më gjatë në ngrirje:

Shpargujt mund t'i ngrijmë të papërpunuar ose dhe të zier. 
Nëse janë të papërpunuar, duhet t'i lajmë mirë, heqim pjesën më të fortë të kërcellit, i thajmë mirë dhe i vendosim në qese ngrirëse.

Për shpargujt e gatuar preferohet gatimi me avull, për të ruajtur vitaminat dhe kripërat minerale. Do të duhen 4-5 minuta në avull. 
Më pas i kullojmë, thajmë dhe presim të ftohen për t'i transferuar në enë drejtkëndëshe hermetike me kapak, të cilat kalojnë direkt nga ngrirja në furrën me mikrovalë. Kjo thjeshton proçesin e shkrirjes.

Konsumohen mundësisht brenda 6-8 muajsh.

Pastrimi i duhur i shpargujve

Përgatitja dhe pastrimi i duhur i shpargujve është thelbësor për t'u siguruar që ato janë të sigurta për t'u konsumuar dhe për të ruajtur shijen dhe strukturën e tyre gjatë gatimit. 
Të përgatisim dhe pastrojmë siç duhet shpargujt:

Fillojmë duke liruar asparagun nga shiritat e gomës ose lidhjet dhe duke hequr çdo kërcell të kalbur ose pjesë të majave të dëmtuara.

Larja: Lajmë tërësisht asparagun nën ujë të rrjedhshëm për të hequr çdo papastërti me duar ose duke përdorur një furçë perimesh për të pastruar butësisht zonat e vështira për t'u arritur.

Tharja: Shtrojmë shpargujt në një leckë ose letër kuzhine dhe i thajmë mirë.

Heqja e pjesës së fortë: Duhet eleminuar pjesa e bardhë, e fortë në fund të shpargut, duke i prerë ato në mënyrë që të favorizojmë gatimin uniform. Një truk i dobishëm për të kuptuar se ku ta presim është duke palosur butësisht shpargun: ai do të thyhet në kryqëzimin midis pjesëve më të buta. Pjesët e forta mund të hidhen ose përdoren për të bërë një lëng perimesh.

Qërimi (opsionale): Nëse shpargujt janë të një varieteti më të trashë dhe me fije, mund të vazhdohet me qërimin. Përdoret një qëruese patate ose një thikë të vogël për të qëruar butësisht shpargujt vertikalisht, nga poshtë lart derisa kërcelli të zbardhet, duke eliminuar kështu pjesën e gjelbër me fije. Megjithatë, nëse asparagu është i ri dhe i butë, ky hap i qërimit mund të anashkalohet.

Në zierjen në avull, lidhim shpargujt me fije kuzhine dhe i gatuajmë në një tenxhere të posaçme. I kullojmë dhe i lemë të ftohen dhe vazhdojmë me proçesin e ngrirjes.