Shpërdorimi i ushqimit: sfida jonë e përditshme

Shpërdorimi i ushqimit është një sfidë urgjente e përditshme që prek miliona njerëz në mbarë botën. 

Pavarësisht rritjes së ndërgjegjësimit, një sasi e konsiderueshme ushqimi ende hidhet çdo ditë. Nga mbetjet shtëpiake te prodhimet e papërsosura, shumica e tyre përfundon në landfill, duke kontribuar në ngërç mjedisor dhe ekonomik. 

Trajtimi i kësaj çështje kërkon një përpjekje kolektive, duke filluar me blerjet e kujdesshme të ushqimeve, ruajtjen e duhur dhe përdorimin krijues të mbetjeve të frutave dhe perimeve në recetat tona. 

Nga reduktimi i mbetjeve ushqimore jo vetëm që përfiton planeti, por gjithashtu ruhen burimet dhe mbështeten ata që kanë nevojë. Duke adoptuar ndryshime të vogla në zakonet tona të përditshme dhe duke promovuar praktika të qëndrueshme, ne mund ta luftojmë kolektivisht këtë sfidë globale dhe të krijojmë një sistem ushqimor më elastik dhe më të përgjegjshëm.

Le të përvetësojmë disa zakone të mira për të reduktuar mbetjet ushqimore:

Planifikojmë përpara:

Marrim kohën e duhur të paktën 1 herë në javë, të hartojmë një plan me vaktet kryesore të ditëve, duke zgjedhur receta që përdorin përbërës të ngjashëm.

Më pas përdorim planin javor për të bërë një listë blerjesh. Evitojmë të blejmë përbërës që i kemi gjëndje dhe përshtasim planin javor me to.

Blejmë me zgjuarsi:

I përmbahemi listës që kemi hartuar dhe blejmë vetëm atë që na nevojitet.
Kontrollojmë datat e përdorimit për të shmangur blerjen e ushqimeve që do të duhet të përdoren shpejt.

Magazinimi i duhur:

Mënyra se si e ruajmë ushqimin ka një ndikim të madh në kohëzgjatjen e tij. 

-Kontrollojmë etiketën për këshillat e duhura se si të konservojmë ushqimin në menyrën e duhur.

-Vendosim artikujt e rinj në pjesën e pasme dhe produktet e vjetra në pjesën e përparme të frigoriferit/dollapit.

-Etiketojmë të gjitha ushqimet me emrin dhe datën para ngrirjes, në mënyrë që të mund të identifikohen lehtësisht.

Konsumojmë “supën” e mbetur nga një ditë më parë:

Mbetjet e ushqimve nëse i vendosim në kontenitorët e duhur në frigorifer ose ngrirje, mund t'i konsumojmë të sigurtë edhe në ditën pasardhëse. 

Në fund të çdo jave mund të kombinojmë çdo perime të mbetur për të bërë një tenxhere supë, një omëletë.
Gjithashtu mund të përziejmë frutat e mbetura në një smoothie ose një ëmbëlsirë.